Тарваган тахал өвчнөөс урьдчилан сэргийлэх ажлыг эрчимжүүлэх тухай Нийслэлийн Засаг даргын  2010 оны 7 дугаар сарын 19-ний өдрийн 489 дугаар захирамжийг хэрэгжүүлэхээр доорхи ажлуудыг хийж гүйцэтгэж байна.Үүнд:
Нэг. Зохион байгуулалтын талаар:
Тарваган тахал өвчнөөс урьдчилан сэргийлэх хяналт шалгалтыг эрчимжүүлэх тухай газрын даргын 2010 оны 7 дугаар сарын 22-ны өдрийн 370 тоот  тушаал гарган, хэрэгжүүлэх ажлыг зохион байгуулж байна. Уг  тушаалын дагуу нийслэл хотод тарваган тахал болон байгалийн голомтот  халдварт өвчин  зөөвөрлөгдөн орж ирэхээс сэргийлэх чиглэлээр хяналт шалгалтыг явуулж  байна.  Товчоодод ажиллах улсын байцаагчдад НЗД-ын захирамж, НМХГ-ын даргын тушаал, хяналт шалгалтын хэсэгт ажиллах заавар, журмыг дэд дарга, тамгын газрын дарга, холбогдох мэргэжлийн хэлтсийн дарга нар танилцуулан, мэргэжил арга зүйн зөвлөгөө өгч ажиллаж байна.
Хоёр. Автотехникийн шалган нэвтрүүлэх товчоодод хийж байгаа хяналт шалгалтын талаар:
Газрын даргын тушаалаар томилогдсон улсын байцаагчид  Нисэх /био үйлдвэр/ , яармаг, 22, Баянзүрх, Налайх,  Хэрлэнгийн гүүрний автотехникийн шалган бүртгэх товчоонд 24 цагаар,  Эмээлтийн Гурван эвтэн түүхий эдийн захад 12 цагаар хяналт шалгалтыг явуулж, иргэдэд зориулсан зөвлөмж, сэрэмжлүүлэг тараан ажиллаж байна. Автотехникийн шалган нэвтрүүлэх товчоодод 7 дугаар сарын 25-ны өдрөөс 9 дүгээр сарын 4-ныг дуустал  хугацаанд 10622 тээврийн хэрэгсэл, 23823 зорчигчийн ачаа тээшинд тарваганы мах, дагалдах түүхий эд бүтээгдхүүний үзлэг хийж, 4 удаагийн тохиолдлоор 16 ширхэг тарваганы түүхий мах /тулам/ илрүүлэн, БГХӨСҮТ-д шинжлүүлэхээр хүлээлгэн өгч, 3 иргэнд 110,0 мянган төгрөгийн шийтгэвэр ногдуулж ажиллалаа. Хяналт шалгалтын явцад  7009 санамж, зөвлөмжийг тарааж, 1450 гаруй иргэнд зөвлөгөө өгч ажиллалаа.

НИЙСЛЭЛИЙН МЭРГЭЖЛИЙН ХЯНАЛТЫН ГАЗРЫН
БАГАНУУР ДҮҮРЭГ ДЭХ ХЭЛТЭС

Нийслэлд байгалийн голомтот болон мал амьтнаас хүнд халдварладаг өвчин, шинэ болон дахин сэргэн тархах халдварт өвчин зөөвөрлөгдөн орохоос сэргийлэх зорилгоор “Тарваган тахал өвчний халдвараас урьчилан сэргийлэх, тэмцэх, арга хэмжээг эрчимжүүлэх тухай” Нийслэлийн Засаг даргын 2010 оны 07 дугаар сарын 19-ний өдрийн 489 дүгээр захирамж, Багануур дүүргийн Засаг даргын 2010 оны 08 дугаар сарын 03-ны өдрийн А/352 дугаар захирамж, Нийслэлийн Мэргэжлийн хяналтын газрын даргын 2010 оны 07 дугаар сарын 21-ний өдрийн 370 дугаар тушаал гарч, уг захирамж, тушаалын дагуу Хэрлэнгийн авто тээврийн хэрэгслийг шалган бүртгэх товчоонд Багануур дүүрэг дэх Мэргэжлийн хяналтын хэлтсийн улсын байцаагчид, дүүргийн Цагдаагийн хэлтсийн ажилтнууд 24 цагийн хугацаатайгаар үүрэг гүйцэтгэж байна.  2010 оны 08 дугаар сарын 01-нээс 08 дугаар сарын 25-ны өдрийг хүртэл хугацаанд зүүн зүгийн аймгуудаас орж ирж байгаа 2201 тээврийн хэрэгсэл, 5518 зорчигчид хяналт шалгалтад хамрагдаад байна. Хяналтаар 69 зөрчил илрүүллээ.
Хөдөө орон нутгаас мал эмнэлэг-ариун цэврийн гарал үүслийн гэрчилгээгүй болон уг гэрчилгээний бүрдэл дутуу мал, малын мах, түүхий эдийг хот суурин газарт зөөвөрлөн оруулж ирж, зөрчил гаргасан 66 иргэнд 494.0 мянган төгрөгийн торгууль,  шийтгэврийн  арга хэмжээ оногдуулан барагдууллаа.
“Ан агнуурын тухай” хуулийн 15.1.9 дэх заалтад заасан “Тарвага, зурам тэдгээрийн түүхий мах, нойтон болон халдваргүйтгээгүй арьсыг хот тосгонд оруулахыг хориглосон” заалтыг зөрчиж, байгалийн болон гоц халдварт өвчин үүсгэгч, нян тээгч зүйлсийг оруулж ирсэн 3 тохиолдлыг илрүүлэн, 3 иргэнд 80.0 мянган төгрөгийн шийтгэврийн арга хэмжээ оногдуулж, 10 тарвагыг дүүргийн БГХӨТГ-т хүргүүлэн шинжлүүлэхэд тарваган тахлын үүсгэгч илрээгүй дүнтэй гарсан байна.
Шалгалтад хамрагдсан иргэдэд “Байгалийн голомтот болон мал, амьтнаас хүнд халдварладаг өвчин (тарваган тахал, боом, галзуу, шүлхий)”, “Томуугийн A хүрээний (H1N1) вирусийн халдвараас урьдчилан сэргийлэх тухай”, “Тарваган тахлаас сэргийлье”  сэдэвт санамж, зөвлөмж 544 ширхэгийг тарааж, 783 хүнд зөвлөгөө өгсөн байна.

НИЙСЛЭЛИЙН МЭРГЭЖЛИЙН ХЯНАЛТЫН ГАЗРЫН
БАГАНУУР ДҮҮРЭГ ДЭХ ХЭЛТЭС

Монгол Улсын Засгийн газрын 194 дүгээр тогтоолоор батлагдсан “Үдийн цай” хөтөлбөрийн хүрээнд хүнс, хоол үйлдвэрлэл, хүнсний бүтээгдэхүүний хангалт хийж буй аж ахуйн нэгж болон Ерөнхий боловсролын сургуулиудад Боловсрол соёл шинжлэх ухааны сайд, Эрүүл мэндийн сайдын хамтарсан 2006 оны 379/341 тоот тушаалын хэрэгжилтэнд хяналт шалгалт хийж, үр дүнг тооцон үнэлэлт дүгнэлт өгөх, мэргэжил арга зүйн туслалцаа үзүүлэх, цаашид авах арга хэмжээний чиглэлийг тодорхойлох зорилгоор  шалгалтыг 2010  оны 08 дугаар сарын 30-наас 31-ний  өдрийн хооронд  буюу ажлын 1  хоногт багтаан явууллаа.
Шалгалтанд  дүүргийн төрийн өмчийн “Боловсрол цогцолбор”, “Гүн галуутай”  сургуулиуд, тэдгээрийн  тус бүрийн хичээлийн 1, 2, 3 дугаар байранд  үйл ажиллагаа явуулж байгаа хоолны газрууд буюу “Үдийн цай” хөтөлбөрт хамрагдаж хүнсний бүтээгдэхүүн нийлүүлж буй “Агаржин”, “Жаргалан”,  “Аньст-Уул” хязгаарлагдмал хариуцлагатай компаниуд, төрийн бус өмчийн “Сод”, “Энхсудар” хувийн сургуулиуд  тус тус  хамрагдлаа. Энэ хичээлийн жилд тус дүүргийн “Боловсрол цогцолбор” сургууль нь дунджаар үдийн цайнд 980 , “Гүн галуутай” сургууль нь 1200, “Энх судар” дунд сургууль 30, “Сод” дунд сургууль нь 60 гаруй хүүхдийг  тус тус “Үдийн цай” хөтөлбөрт хамруулахаар  ажиллаж байна.
Тус дүүргийн хэмжээнд үдийн цайны хоолны цэсийг сургуулийн удирдлагаар батлуулаагүй, хяналтын комиссыг байгуулаагүй байгаа нь тус журмын 2.1, 2.6 дахь заалтын хэрэгжилт хангагдаагүй байна.
Мөн журмын 3-т заасан “Үдийн цайнд олгох хүнсний бүтээгдэхүүнд тавих шаардлага”-ын хэрэгжилт сайжирч, хүнсний бүтээгдэхүүний эрүүл ахуй, аюулгүй байдлыг хангахад анхаарч, хүнсний бүтээгдэхүүний нэр төрлийг нэмэгдүүлж,  хүүхдэд илчлэг сайтай хоол хүнсээр хангах үүднээс хоолны цэсэнд сүү цагаан идээ, аарц, чацаргана, халуун хоол зэргийг ихэвчлэн олгохоор тусгаж, хүнсний бүтээгдэхүүний баталгаажилтыг  хийлгүүлж, дүгнэлт  гаргуулж хэвшсэн байна. Журмын 5-т заасан “Үдийн цайны гэрээт гүйцэтгэгчийг сонгоход баримтлах шалгуур” –ын  хүрээнд үйлдвэрлэл эрхлэгчид нь үйлдвэрлэл явуулах зөвшөөрөл, дүгнэлттэй, нийлүүлэхээр санал болгож буй бүтээгдэхүүнийг эрүүл, ахуй, аюулгүй байдлын шинжилгээнд бүрэн хамруулсан,  шаардлагын дагуу савлах, зөөх, хадгалах нөхцлийг бүрдүүлсэн,  гэрээний хэрэгжилтээр санхүүгийн хариуцлага хүлээх чадвартай аж ахуйн нэгжийг сонгон шалгуур үзүүлэлтийг баримтласан  боловч дотоодын хяналтын лабораторигүй байгаа нь бүтээгдэхүүний чанар, аюулгүй байдал алдагдаж,  дотоодын хяналтын үйл ажиллагаа доголдох нөхцлийг бүрдүүлж байна.
Журмын 6-т заасан “Үдийн цай хөтөлбөрийн хэрэгжилтэнд хяналт тавих, тайлагнах”  гэрээт гүйцэтгэгчийг сонгоход баримтлах шалгуур” –ын  хүрээнд үйлдвэрлэл эрхлэгчид нь үйлдвэрлэл явуулах зөвшөөрөл, дүгнэлттэй, нийлүүлэхээр санал болгож буй бүтээгдэхүүнийг эрүүл, ахуй, аюулгүй байдлын шинжилгээнд бүрэн хамруулсан,  шаардлагын дагуу савлах, зөөх, хадгалах нөхцлийг бүрдүүлсэн,  гэрээний хэрэгжилтээр санхүүгийн хариуцлага хүлээх чадвартай аж ахуйн нэгжийг сонгон шалгуур үзүүлэлтийг баримтлан ажилласан байна.
Дүүргийн хэмжээнд “Үдийн цай” хөтөлбөр хэрэгжүүлэгч аж ахуйн нэгжүүд гал тогооны засвар үйлчилгээг бүрэн хийсэн байна.

НИЙСЛЭЛИЙН МЭРГЭЖЛИЙН ХЯНАЛТЫН ГАЗРЫН
БАГАНУУР ДҮҮРЭГ ДЭХ ХЭЛТЭС

Нийслэлийн Мэргэжлийн хяналтын газрын дэд даргын баталсан удирдамжийн дагуу Баянзүрх дүүрэгт үйл ажиллагаа явуулж буй амралтын газар, жуулчны бааз, гэр  буудалд Монгол Улсад мөрдөгдөж буй “Аялал жуулчлалын тухай“, ”Стандартчилал, тохирлын үнэлгээний тухай”, “Ариун цэврийн тухай”, ”Төрийн хяналт шалгалтын тухай”, “Захиргааны хариуцлагын тухай” хуулиуд, “Хэрэглэгчдэд зориулсан үйлчилгээ, Амралтын газар,жуулчны бааз, гэр буудалд, тавих ерөнхий шаардлага MNS 6043:2009 улсын стандарт, “Хоолны газрын зэрэглэл, үндсэн шаардлага” MNS 4945:2005  улсын стандарт болон холбогдох хууль тогтоомж, дүрэм, журмын хэрэгжилтийг шалгаж илэрсэн зөрчлийг  арилгуулах,  үйлчилгээнд тавигдах шаардлагад  нийцүүлэн мэргэжил арга зүйн зөвлөгөө өгөх зорилгоор.  Тус дүүрэгт үйл ажиллагаа явуулж байгаа  21 аж ахуй нэгжийн амралтын газар, жуулчны бааз,гэр буудлыг хамруулан  2010 оны 8 дугаар сарын 16-наас 8 дугаар сарын 23–ны хооронд шалгав. Шалгалтанд хамрагдсан амралтын газар, жуулчны баазуудаас  долоо нь үйл ажиллагаа эхлээгүй байна.
1. Нийслэлийн аялал жуулчлалын газар, Монголын Зочлох үйлчилгээний холбоотой хамтран “Амралтын газар, жуулчны бааз, гэр буудалд тавих ерөнхий шаардлага” MNS6043:2009 стандарт шинээр гарсантай холбогдуулан аялал жуулчлалын чиглэлээр үйл ажиллагаа явуулах газруудад сургалт явуулахад шалгалтанд хамрагдсан  , ШУА-ны харъяа Одон орон судлалын төв, Чингисийн хүрээ амралтын газар, жуулчны баазууд сургалтанд хамрагдсны дагуу тохижуулж сайжруулсан байна.
2.Амралтын газар, жуулчны бааз, гэр буудлуудын 22,3% нь гадна орчиндоо мод сөөг тарьж, зам талбайгаа засан байна. Явган хүний зам, хязгаарлалтын тэмдэг, тэмдэглэгээтэй, тохижилт хийсэн,   Үүнд: / Монгол шилтгээн,  Хорчин булаг, Хүрхрээ тур, Рашаант   амралтын газар, жуулчны баазууд /
3. Зочин угтах, үйлчилгээ зочин хүлээн авах байрыг 53,8 хувь нь стандартын шаардлагын дагуу тохижуулсан байна. Үүнд: / Монгол шилтгээн, Тавлаг, Тоонот, Хүрхрээ тур, амралтын газар, жуулчны баазууд/
4.Зочны гэр болон барилга байгууламжийг гэрэлтүүлэхүйц хэмжээний талбайн гэрэлтүүлгээр 14.2% нь хангагдсан.Үүнд: /Монгол шилтгээн, Тавлаг,  Хорчин булан /
5. Амралтын газар ,жуулчны бааз, гэр буудлын нэр, үйлчилгээний төрөл, хаяг бүхий  самбар, замын тэмдгийг замын дагуу 49.8% нь байрлуулж стандартын шаардлагын хэмжээнд сайн зохион байгуулсан.Үүнд: / Их хайрхан, Тавлаг, Монгол шилтгээн,  Ногоон төгөл зэрэг амралтын газар , жуулчны баазууд /
6.Газар эзэмших гэрчилгээ, байгаль орчинд нөлөөлөх байдлын ерөнхий болон нарийвчилсан үнэлгээ хийлгэсэн. /Монгол шилтгээн, Тавлаг, Тоонот, Хүрхрээ тур, Хар усан тохой гэх мэт амралтын газар, жуулчны баазууд/
Шалгалтаар илэрсэн нийтлэг  зөрчлүүд:
1. Зочдын орох гарах хэсгүүдэд зориулалтын хогийн сав, гутлын алчуур зэргийг шаардлагатай газар бүрт байрлуулаагүй, гадна талбайн ногоон байгууламжийг зүлэгжүүлээгүй, амралтын газар, жуулчны бааз, гэр буудалд  хаяг, машины зогсоол, түүний тэмдэг, тэмдэглэгээ, гэрэлтүүлэг нь 12,3% хангалтгүй. Тухайлбал: “Хулан тур“ ХХК, “ Цэнхэрмандал”ХХК, “ Грийн хаус” ХХК, “ Дэлгэртуул” ХХК гэх мэт.
2. Нийт зочин хүлээн авах хүчин чадлын 10-аас доошгүй хувьтай тэнцэхүйц суудал бүхий тавилга хэрэгслээр тоноглогдоогүй, танилцуулга, мэдээллийн сан болох үйлчилгээний үнийн жагсаалт, амралтын газар, жуулчны баазууд, гэр буудлуудын үйлчилгээний талаарх мэдээлэл, дотоод бүртгэлийн нэгдсэн систем хангалтгүй зэрэг зөрчлүүд 11.8 %-ийг эзэлж байна. /Тухайлбал:Цэнхэр мандал, Шинэ Монгол хаадын өргөө, Их хайрхан  /
3. Гүний худгуудад эрүүл ахуйн хамгаалалтын бүсийг  98% нь тогтоогоогүй, 8 амралтын газар, жуулчны баазын гүний худгаас  8 сорьц авч, лабораторийн шинжилгээнд хамруулсан байна.
4. Амралтын газар, жуулчны баазууд нь бохир усыг зөөвөрлөх, хог хаягдлыг зайлуулах гэрээ хийдэггүй  23,7% нь  бие засах газар нь стандартын  шаардлага хангаагүй;
5.  Амралтын газар, жуулчны баазуудын зарим  эд хогшил, хуучирсан тавилга 13,5% нь стандартын шаардлага хангаагүй эд хогшил, тавилгатай;
6. Зориулалтын угаалгын газрын  өрөөний 11,2% эрүүл ахуйн шаардлагад нийцэхгүй;
7. Мэргэжлийн ба мэргэшсэн боловсон хүчин дутмаг, ажлын байр эмх цэгцгүй , 9,6%  нь энгэрийн тэмдэг болон үйлчилгээний ажилтны биеэ авч явах байдал, харилцааны соёл, ёс зүй, хувцаслалт зэрэг нь  хангалттүй. Тухайлбал: “ Грийн хаус” ХХК, “ Цэнхэрмандал” ХХК,”Хулан тур” ХХК ;
8. Амралтын газар, жуулчны баазуудын нийтийн үйлчилгээний танхимд барилга, байгууламжийн галын аюулгүйн таних тэмдэг, аваарын гарц, шатны бүдүүвч зураг бүхий самбар байрлуулдаггүй, шат, хонгилыг хальтиргаа, гулгаанаас хамгаалах хамгаалалтгүй, өрөө бүрт яаралтай тусламжийн дугаар бүхий мэдээллийн лавлах, шууд залгах утас хангалтгүй байлаа
Шалгалтаар   50 зөрчил илрүүлж, 35 зөрчлийг газар дээр нь арилгуулж, холбогдох хууль тогтоомжийн дагуу  2 аж ахуй нэгжид улсын байцаагчийн албан шаардлага хүргүүлж
Стандартын шаардлага хангаагүй унд ахуйн ус хэрэглэсэн “Далай тур“ ХХК-ийг 100.0 мянган төгрөгийн шийтгэвэр ногдуулж шинжилгээний дүнгийн тухай 5 дүгнэлт үйлдэж, гаргасан.
Шалгалтын явцад ажилчдад хууль эрх зүйн болон стандарт, үйлчилгээний соёлын зохих түвшинг сайжруулах талаар мэргэжил арга зүйн зөвлөгөө өгч ажиллалаа.